Një sallatë e pasur me vlera ushqyese dhe shije të mrekullueshme!
Përbërësit:
- 3 gota thjerrëza jeshile të gatuara
- 6 karrota të mesme, të qëruara dhe të prera
- 1 e 1/2 lugë supe vaj ulliri
- 1 qepë e vogël, e prerë imët
- 2 thelpinj hudhër të grirë
- 1/3 gotë fistikë të pakripur të copëtuar
- 1/3 gotë rrush të thatë
- 3 lugë supe majdanoz të copëtuar
Salca:
- 1/2 gotë vaj ulliri
- 2 lugë supe lëng limoni
- 1 lugë supe shurup agave
- 1 lugë çaji piper të kuq
- 3/4 lugë çaji kurkuma
- 3/4 lugë çaji kripë
- 1/2 lugë çaji kumin
- 1/4 lugë çaji kanellë
- 1/4 lugë piper të djegës
Gatuani thjerrëzat sipas udhëzimeve të pakos. Në një tas të vogël, rrihini së bashku përbërësit e salcës. Karrotat e copëtuara i lyeni me 2 lugë gjelle me salcën e përgatitur, i vendosni në tepsi dhe i piqni për 20-25 minuta. Vendosni një tigan të vogël mbi nxehtësi mesatare. Shtoni pak vaj ulliri dhe qepën e prerë. Fërgoni për 5 minuta, duke e trazuar herë pas here, pastaj shtoni hudhrën dhe rrushin e thatë dhe vazhdoni gatimin për disa minuta më shumë, derisa të zbuten. Hiqeni nga nxehtësia. Në një pjatë të madhe përzieni thjerrëzat e gatuara, përzierjen e qepës, hudhrës e rrushit, karrotat e pjekura, fistikët, majdanozin dhe salcën e mbetur. Përzieni deri sa përbërësit të jenë veshur mirë me salcën. Shijojeni të nxehtë ose të ftohtë!
